Vinnur á spéhræðslu

Leikkonan Evan Rachel Wood ljóstraði því upp í nýlegu viðtali hvernig hún undirbýr sig fyrir nektaratriði. Wood viðurkennir að henni þyki óþægilegt að koma fram nakin en að hún hafi komið sér upp leið til að takast á við það. „Ég hef lært að ég þarf að hafa stjórn á aðstæðum til að verða ekki óörugg. Ég segi við sjálfa mig: Ég er frábær nakin kona og nú mun ég gefa frá mér orku sem mun stýra því hvað þér finnst um þetta. Og svo geri ég það,“ sagði leikkonan. Hún segist jafnframt aðeins velja hlutverk sem gefi henni fiðring í magann.