Úr sjónvarpi í fatahönnun

Raunveruleikastjarnan Mike Sorrentino, betur þekktur sem The Situation úr raunveruleikaþáttunum Jersey Shore, hefur nú snúið sér að fatahönnun. Sorrentino tók höndum saman við merkið FLOW Formal Wear og hannaði kjólfatalínu sem hlaut auðvitað nafnið The Situation. Línunni hefur ekki verið vel tekið af tískuspekúlöntum og þykir hún vægast sagt hræðileg.

„FLOW hafði samband við mig að fyrra bragði um að hanna línuna því ég set tískulínurnar fyrir ykkur hin. Ég hlakka mikið til að sýna heiminum fágaðri hlið af mér,“ sagði Sorrentino í viðtali við In Touch. Auk þess að hanna línuna fékk Sorrentino að sitja fyrir á öllum kynningarmyndum fyrirtækisins ásamt nokkrum fáklæddum fyrirsætum.