Lag gegn krabbameini

Jónas Björgvinson hefur gefið út lagið Laufin lifa. Það verður á nýrri plötu hans sem kemur út á næsta ári. Jónas ákvað að gefa út Laufin lifa í tilefni fertugsafmælis síns á föstudaginn og vegna sérstakra aðstæðna. Lagið er tileinkað minningu Laufeyjar Ingibjargardóttur frá Akranesi og er til styrktar baráttunni gegn krabbameini. Allur ágóði af netsölu á Tonlist.is og Gogoyoko rennur til Krabbameinsfélags Íslands og í styrktarsjóð sona Laufeyjar. Styrktartónleikar fyrir drengina verða haldnir 19. október í Gamla bíói.