Ham á hátíðarfundi

Fjöldi vinsælla flytjenda á borð við rokksveitina Ham, Mugison, Lay Low, Diddú, Bjartmar Guðlaugsson og Fóstbræður, auk grínistans Ara Eldjárns, kemur fram á hátíðar- og baráttufundi SÁÁ í Háskólabíói í kvöld klukkan 20. Á undan fundinum verður í anddyrinu frá kl. 17.30 kynning á ýmsum 12 spora samtökum og félögum sem vinna með fíknisjúkdóminn.

Auk kynninganna verður boðið upp á fyrirlestra og kl. 18 verður forsýnd stuttmynd eftir leikstjórann Martein Þórsson með Ólafi Darra Ólafssyni í aðalhlutverki. Hún fjallar um mann sem drekkur sig í gegnum einn dag.