Gisele reitir samlanda sína til reiði

Ofurfyrirsætan Gisele Bündchen hefur valdið ákveðnum usla í heimalandi sínu, Brasilíu, með nýjustu auglýsingaherferð nærfatamerki síns, Hope. Auglýsingarnar þykja ýta undir kynjamisrétti og sýna konur í röngu ljósi.

Í auglýsingunum má sjá konu á nærfötunum reyna að fá eiginmann sinn til að fyrirgefa henni fyrir að hafa eytt of miklu á kreditkortinu, klesst bílinn og leyft tengdamóðurinni að búa hjá þeim. Einkunnarorð auglýsinganna eru svo „Þú ert brasilísk kona – notaðu sjarmann".

„Herferðin hlutgerir konur kynferðislega fyrir karlmönnum og sýnir kynin sem gamaldags staðalmyndir. Hún hjálpar líka til við að rífa niður alla þá jafnréttisvinnu sem við höfum gert síðustu ár," segir talsmaður aðalskrifstofu samtaka kvenna í Brasilíu, en henni hafa borist fjölmörg símtöl og bréf frá reiðum konum í Brasilíu.

Gisele Bündchen tekur þessu hins vegar létt og segir herferðina vera saklaust grín en íhugar að draga hana til baka þar sem hún vill ekki styggja viðskiptavini sína, konur í Brasilíu.