Einhleyp drottning

Söng- og leikkonan Queen Latifah er hætt með kærustu sinni til átta ára, Jeanette Jenkins. Latifah sást nýverið með danshöfundinum Eboni Nichols, en þær hafa verið miklar vinkonur síðustu ár.

Heimildarmenn segja samband Latifuh og Jenkins hafa verið súrt um nokkurt skeið og mun vinátta leikkonunnar og Nichols lengi hafa verið þrætuepli milli parsins. „Þær rifust eins og hundur og köttur en vinátta Latifuh og Eboni var kornið sem fyllti mælinn. Það virðast litlar líkur á því að þær taki aftur saman,“ var haft eftir heimildarmanni.

Latifah og Nichols hafa verið vinkonur frá árinu 2009 og þó að leikkonan hafi haldið því fram að þær væru aðeins vinir mun Jenkins ekki hafa trúað henni. „Hún var mjög ósátt við vináttu þeirra og lét Latifuh vita af því,“ sagði heimildarmaðurinn.