Hugh Grant í Cloud Atlas

Hugh Grant hefur bæst við leikarahóp myndarinnar Cloud Atlas sem er byggð á samnefndri skáldsögu Davids Mitchell. Aðrir leikarar í myndinni eru Halle Berry, Tom Hanks, Susan Sarandon og Jim Broadbent. Cloud Atlas spannar margar aldir og fjallar um sál sem endurholgast í gegnum sex manneskjur. Leikstjórar myndarinnar verða þrír, eða Wachowski-bræðurnir Andy og Larry, sem bjuggu til The Matrix þríleikinn, og Tom Tywker sem leikstýrði Perfume: The Story of a Murderer. Tökur á myndinni hefjast í Glasgow í næsta mánuði og verður myndin frumsýnd í október 2012.