Þjáist af bakverkjum

Victoria Beckham er of veikburða til að geta haldið á nýfæddri dóttur sinni, Harper Seven. Victoria, sem eignaðist dótturina fyrir nokkrum vikum, þjáist af miklum verkjum í baki sem komu upp þegar barnið var tekið með keisaraskurði.

Victoria tekur vandamálið mjög nærri sér og finnst erfitt að geta ekki séð um dótturina af fullum krafti. Eiginmaðurinn David Beckham hefur því þurft að stíga fram og heldur meðal annars á dótturinni á meðan Victoria gefur henni að drekka.

Harper Seven er fjórða barn Beckham-hjónanna en þeirra eina dóttur. Fyrir eiga þau strákana Brooklyn, Romeo og Cruz.