Mannhelgi í stjórnarskrána

Ákvæði um mannlega reisn, að allir skuli njóta mannhelgi, ítarlegt ákvæði um upplýsingaskyldu stjórnsýslu og nýtt ákvæði um frelsi fjölmiðla er meðal þeirra nýjunga sem finna má í mannréttindakafla A-nefndar stjórnlagaráðs. Ráðið hefur nú afgreitt kaflann í áfangaskjal.

Gert er ráð fyrir mun ítarlegri kafla um mannréttindi og einnig er nýtt ákvæði um tjáningarfrelsi. Þar er kveðið á um að tryggja skuli aðstæður til opinnar og upplýstrar umræðu. Einnig er kveðið á um frelsi menningar og mennta og um menningarleg verðmæti, svo eitthvað sé nefnt.

- kóp