Ég og Svavar án rafmagns

Tónlistarmaðurinn Svavar Knútur og hljómsveitin Ég koma fram á þriðju tónleikunum í tónleikaröðinni Rafmagnslaust á Norðurpólnum í kvöld. Einnig kemur hljómsveitin Flugdrekafélag fram í fyrsta skipti opinberlega.

Svavar Knútur hefur gefið út tvær plötur á síðustu tveimur árum og nú síðast leit Amma dagsins ljós. Hljómsveitin Ég gaf út sína þriðju plötu í fyrra sem bar titilinn Lúxus upplifun. Báðir flytjendur léku á hátíðinni Aldrei fór ég suður um páskana. Tónleikarnir í kvöld hefjast stundvíslega kl. 21 og verður húsið opnað kl. 20.