Bieber er prakkari

Kanadíska ofurstirnið Justin Bieber hefur augljóslega gaman af prakkarastrikum. Hann setti nýlega símanúmerið sitt, að því er virtist, inná twitter-síðu sína nýlega og hvatti aðdáendur sína til að hringja í sig og spjalla. „Leyfið mér að heyra frá ykkur," voru skilaboðin frá táningsstjörnunni.

Seinna kom síðan í ljós að þetta var hrekkur og hálfgerð afmælisgjöf Bieber til vinar síns Wilson Warren en sá var svo ólánsamur að eiga símanúmerið. Eins og gefur að skilja stoppaði síminn ekki og aumingja Wilson vissi vart hvaðan á sig stóð veðrið þegar móðursjúkar unglingsstúlkur hófu að láta í sér heyra. Wilson tók hsins vegar gríninu vel og þeir tveir sömdu frið á twitter-síðunni skömmu seinna.