Kann illa við frægðina

Skoska leikaranum Gerard Butler er illa við frægðina og fylgifiska hennar. Hann segist þó njóta leiklistarinnar en óskar þess stundum að hann gæti horfið í fjöldann.

„Ég elska starf mitt. En eftir því sem velgengni mín eykst átta ég mig betur á því að það er margt við leiklistina sem mér líkar ekki við. Oft langar mig bara að gera kvikmynd og svo hverfa en það er ekki hægt. Það er líklega erfitt að vorkenna leikurum sem kvarta undan frægð og frama og margt við starfið er vissulega frábært. Ég fæ enn mikla gleði úr því að hitta og spjalla við aðdáendur mína en ég þoli ekki papparassana sem fylgja manni við hvert fótmál,“ sagði leikarinn í viðtali við tímaritið Confidential.