Kastaði stólum

Leikkonan Jennifer Aniston er ekki öll þar sem hún er séð því þegar hún reiðist á hún það til að kasta stólum í fólk. Þessu uppljóstraði Aniston í viðtali við tímaritið Elle.

Aniston sagðist einu sinni hafa kastað stól í leikstjóra sem fór yfir strikið. „Leikstjórinn var mjög dónalegur í samskiptum við handritshöfund á tökustað. Þegar hann kom síðan inn í herbergið mitt kastaði ég stól í hann og sagði honum að svona kæmi maður ekki fram við fólk,“ segir Aniston en viðurkennir jafnframt að hún sé ekki mjög stolt af þessu reiðikasti sínu.

Aniston vildi ekki nafngreina leikstjórann sem varð fyrir stólakastinu.