Útbrunninn eftir Joey

Matt LeBlanc var útbrunninn eftir að hafa leikið hinn vitgranna Joey í gamanþáttunum Friends og síðar meir í þáttunum Joey.

„Eftir að ég hætti að leika Joey langaði mig ekki að vinna. Ég á sex ára dóttur. Ég fór með hana í skólann, hitti vini mína og lék mér. Ég var líka útbrunninn eftir að hafa leikið sama náungann í tólf ár. Ég var orðinn þreyttur," sagði LeBlanc.

„Flestir hringja í umboðsmanninn og spyrja hvað sé að gerast. Ég hringdi í minn og sagði: „Geturðu týnt símanúmerinu mínu í nokkur ár?" LeBlanc leikur næst skáldaða útgáfu af sjálfum sér í þáttunum Episodes á bresku sjónvarpsstöðinni BBC Two.