Soirées-kvöld í Þjóðleikhúskjallaranum

Listamennirnir Snorri Ásmundsson, Ragnar Ísleifur Bragason, Ásdís Sif Gunnarsdóttir, Ingibjörg Magnadóttir, Ragnar Kjartansson, Saga Sigurðardóttir, Margrét Bjarnadóttir, og fleiri óvæntir gestir munu setja upp ný verk í Þjóðleikhúskjallaranum í febrúar, mars og apríl. Kynnir verður Ármann Reynisson. Fyrsta sýningin hefst klukkan níu í kvöld.

Dagskrá þessara kvöldskemmtana verður nokkuð í ætt við "Soirées" eins og það var kallað í París á sínum tíma; kvöld þar sem listamenn deila með hver öðrum hugðarefnum sínum, gera tilraunir og reyna við formbyltingar.

Leikhús Listamanna var upphaflega stofnað í Klink og Bank árið 2004 þar sem listamenn úr öllum áttum sviðsettu listaverk sín. Verkin voru sjaldan æfð fyrirfram, og léku listamennirnir í verkum hver annars.

Leikhús Listamanna er því snúið aftur, engin miskunn. Miðaverð er 1200 kr.

Leikhús Listamanna verður kl. 21 á eftirtöldum kvöldum: þriðjudaginn 8. febrúar, þriðjudaginn 22. febrúar, þriðjudaginn 15. mars, þriðjudaginn 29. mars, þriðjudaginn 12. apríl og þriðjudaginn 26. apríl.