Einhleyp og hamingjusöm

Leikkonan Renee Zellweger er laus og liðug á ný eftir að hafa sagt skilið við leikarann Bradley Cooper. Zellweger virðist þó ekki gráta sambandið því hún lék við hvern sinn fingur í veislu sem haldin var síðustu helgi.

Að sögn sjónarvotta leit Zellweger afskaplega vel út og hló og skemmti sér. „Hún klæddist þröngum, svörtum kjól og leit mjög vel út. Á einum tímapunkti stóðu þrír þjónar við borðið hennar og spjölluðu við hana,“ var haft eftir einu sjónarvotti.

Zellweger og Cooper tóku saman árið 2009 og bjuggu saman undanfarið ár. Tímaritið US Weekly hélt því fram í síðustu viku að Cooper hafi haldið framhjá Zellweger bæði með Jessicu Biel og Söndru Bullock. Það hefur þó ekki verið staðfest og segja vinir leikkonunnar að hún hafi einfaldlega gefist upp á sambandinu.