Losar sig við Marilyn

Leikkonan Megan Fox hefur ákveðið að láta fjarlægja húðflúr sem hún ber á hægri handlegg. Húðflúrið er af leikkonunni Marilyn Monroe og hefur Fox þegar hafist handa við að fjarlægja flúrið.

Fox lét flúra myndina á handlegg sinn þegar hún var átján ára gömul og segist nú vera komin með leiða á því. „Maður vex upp úr hlutum, núna finnst mér þetta ekki viðeigandi. Ég hef þegar farið einu sinni og á eftir þrjú skipti til viðbótar og ég held að ég muni ekki bera nein ör eftir meðferðina,“ sagði Fox.