Hrekkjavaka í Hollywood

Eins og flestir vita var hin fræga hrekkjavökuhátíð um liðna helgi í Bandaríkjunum. Að vanda hélt fyrirsætan Heidi Klum stórt búningapartí fyrir fræga og fallega fólkið í Hollywood. Það var gestgjafinn sjálfur sem bar af í veislunni, en Klum er vön að vera hugmyndarík í búningavali.

Að þessu sinni sló Heidi Klum alla út af laginu er hún lét rúlla sér út á rauða dregilinn undir laki á skurðbekk. Ofurfyrirsætan var óþekkjanleg í búningi sem sýndi líkamann eins og búið væri að fletta húðinni af. Fyrirsætan greindi frá því að undirbúningurinn í búningahönunninni hefði hafist þegar í byrjun júlí.