Frægir styrkja gott málefni

Það voru mörg fræg nöfn á gestalista góðgerðakvöldverðar sem haldinn var til styrktar Gabrielle Angel Foundation sem styrkir rannsóknir á krabbameini.

Til að mynda mátti sjá sænsku prinsessuna Madeleine í sínu fínasta pússi en kjóll hennar þótti nokkuð líkur kjól raunveruleikastjörnunnar Kim Kardashian en báðar klæddust þau svörtum og hvítum kjól.

Söngkonan Eve klæddist rauðri buxnadragt í tilefni dagsins en Solange Knowles, litla systir Beyonce, var í hvítum síðkjól. Fyrirsætan Naomi Campbell lét sig heldur ekki vanta og mætti með kærastanum, rússneska viðskiptajöfrinum Vladislav Doronin.