Stilltu á FM957 eldsnemma í fyrramálið

Magasín er nýr morgunþáttur FM957 sem hefur göngu sína í fyrramálið, fimmtudaginn 27. október klukkan 07:00.

Umsjónarfólk þáttarins eru þau Brynjar Már Valdimarsson og Erna Hrönn Ólafsdóttir sem undanfarið hafa stjórnað þættinum Fjögur Sex á FM957.

Þau þurfa því að fara fyrr að sofa framvegis því þau verða mætt í Skaftahlíðina upp úr klukkan 06:00 alla virka morgna.

Hlustendur FM957 vakna í vetur við frískan og skemmtilegan morgunþátt með léttu spjalli um allt milli himins og jarðar nema stjórnmál, fjármál, skuldir og kreppu.

Þau verða í því hlutverki að lífga upp á tilveruna á hverjum degi og það hlutverk tekur Magasín á FM957 að sér. Ernu og Brynjari til halds og trausts verður enginn annar en Þórhallur Þórhallsson sem best er þekktur fyrir sitt frábæra uppistand, grín og glens.

Auðunn Blöndal verður frá 4. nóvember með sinn þátt á FM957 alla virka daga milli kl. 16 og 18.

Fm957.visir.is