Velgengni Twilight-leikara meitluð í stein

Velgengni leikaranna ungu úr Twilight-þríleiknum var á fimmtudag meitluð í stein þegar þau fengu handaför sín steypt á Hollywood Boulevard. Þetta þykir einn mesti heiður sem leikurum hlotnast í kvikmyndaborginni og voru þau Kristen Stewart, Robert Pattinson og Taylor Lautner að vonum ánægð með athöfnina.

„Þetta er hálfógnvekjandi, þetta er svo rosalega mikillheiður. Við erum svo ung. Þetta er fáránlegt og æðislegt á sama tíma,“ sagði Pattinson við blaðamenn. Loka þurfti breiðgötunni í lengri tíma vegna fjölda aðdáenda sem flykktust á staðinn til að fylgjast með átrúnaðargoðum sínum. Twilight-myndirnar hafa notið gríðarlegra vinsælda og nú fer biðinni eftir lokum þríleiksins að ljúka, því þriðja og síðasta myndin, Breaking Dawn, kemur í kvikmyndahús vestanhafs hinn 18. nóvember.