Sumir eru skælbrosandi á lausu

Leikarinn George Clooney, 50 ára, stillti sér upp með leikkonunum Evan Rachel Wood, Marisu Tomei og fleiri stjörnum sem leika í kvikmyndinni The Ides of March eins og sjá má á meðfylgjandi myndum.

George hætti með ítölsku sjónvarpsstjörnunni Elisabettu Canalis eftir tæplega tveggja ára samband í júní á þessu ári og það aðeins tveimur vikum eftir að Elisabetta lét hafa eftir sér í viðtali að hún væri að springa úr hamingju með George. Það kom því töluvert á óvart þegar parið gaf út yfirlýsinguna um sambandsslitin.

Síðan þá hefur brosið ekki horfið af vörum George en hann lét hafa eftir sér að hann kærði sig ekki um hjónaband eftir að hann skildi við leikkonuna Taliu Basam árið 1993.

Evan Rachel var klædd í Dolce & Gabbana.