Vill koma Diaz saman við Law

Leikkonan Cameron Diaz hætti með hafnaboltaleikmanninum Alex Rodriguez í september og hefur síðan þá eytt nokkrum tíma í London með vinkonu sinni Gwyneth Paltrow. Fregnir herma að Paltrow sé komin í hlutverki hjónabandsmiðlara og ætli sér að finna gott mannsefni fyrir Diaz.

Paltrow telur víst að Diaz og breski leikarinn Jude Law gætu reynst gott par og hefur gert sitt til að koma þeim saman. „Gwyneth og Jude eru gamlir vinir og Cameron lék á móti honum í rómantísku gamanmyndinni The Holiday. Þau hafa farið nokkrum sinnum út að borða og njóta félagsskapar hvor annars og þar sem þau eru bæði á lausu eru þau opin fyrir hugmyndinni um samband. Jude hefur sýnt henni borgina og haldið henni félagsskap,“ var haft eftir innanbúðarmanni.