Dallas þættirnir endurgerðir

Ákveðið hefur að endurgera hina sívinsælu Dallas þætti og mun hinn 79 ára Larry Hagman fá að leika olíubaróninn JR Ewing  á ný.

Leikarinn Patrick Duffy mun koma aftur sem Bobby og leikkonan Linda Gray sem Su Ellen. Þessi nýja þáttaröð mun fjalla um framtíð afkomenda Ewing ættarinnar og mun Josh Hendersson leikari Desperate Houswifes þáttanna leika John Ross. Bandaríska kapalsjónvarpsstöðin TNT hefur ekki staðfest hvenær framleiðsla þáttanna hefst.

Dallas var ein af vinsælustu sápuóperum allra tíma og árið 1980 hafði þátturinn hátt í 83 milljónir áhorfenda eins og kemur fram á fréttavef BBC.