Tvífari ungfrú Reykjavík

Verzlunarskóladaman Sigríður Dagbjört Ásgeirsdóttir sem var valin ungfrú Reykjavík á veitingahúsinu Broadway 25. febrúar siðastliðinn á tvífara í Hollywood, þýsku leikkonuna Diane Kruger. Eins og sjá má í meðfylgjandi myndasafni eru Sigríður og Diane nauðalíkar.

„Nei mér hefur aldrei verið líkt við Diane Kruger. Við erum svo sem ekkert svo ólíkar," segir Sigríður ungfrú Reykjavík á léttu nótunum þegar við spyrjum hana út í tvífarann hennar, Diane Kruger, og hvort fólk hafi ekki nefnt það við hana.

Ertu byrjuð að undirbúa þig fyrir ungfrú Ísland keppnina? „Ég er mikið að einbeita mér að náminu og er byrjuð að skoða kjóla fyrir keppnina og hlakka bara til að fara að æfa á Broadway með stelpunum," segir Sigríður.