Paris Hilton að verða þrítug og fríkar út í tilefni þess

Paris Hilton fagnar stórmerkum áfanga á morgun þegar partýljónið verður þrítugt. Eins og lög gera ráð fyrir hélt hún partý, enda oft gert slíkt af minna tilefni. Teitið var haldið í gær og bauð hún um 300 af sínum nánustu vinum til veislu einhversstaðar í Hollywood. Hún mun hafa eytt mörgum tímum í að gera sig klára fyrir herlegheitin en sá sér þó fært að tilkynna aðdáendum sínum í gegnum Twitter að hana hlakkaði rosalega til.

Sögur úr partýinu eru fáar, enn sem komið er, en kærasti hótelerfingjans var grand á því og gaf henni gulan Lexus sportbíl. Fyrr í mánuðinum tjáði París sig um áfangann: „Ég er að fríka út! Ég trúi því varla að ég sé að verða þrítug! Að minnst kosti lít ég enn út fyrir að vera tvítug."