Komin með nýjan

Leikkonan Jenny McCarthy hefur verið dugleg að fara á óvissustefnumót frá því hún sagði skilið við kærasta sinn, leikarann Jim Carrey.  Hún var gestur í spjallþætti Ellen Degeneres og sagði þá frá nokkrum mislukkuðum stefnumótum sem hún hafði farið á.

Leikkonan hafði þó heppnina með sér því í gegnum stefnumótin kynntist hún manni sem búsettur er í Boston og hafa þau verið að hittast undanfarnar vikur. McCarthey segist þó ekki tilbúin til að kynna nýja kærastann, sem er umboðsmaður fyrir íþróttamenn, fyrir syni sínum alveg strax. „Enginn fær að hitta Evan nema eftir sex mánaða samband. Hann hittir ekki kærasta í hrönnum. Sonur minn skiptir mig mjög miklu máli,“ sagði leikkonan.