Lífið

Sveinn Rúnar semur í Úkraínu

Sveinn Rúnar á þrjú lög í Söngvakeppni Sjónvarpsins. Hann er nú í Úkraínu að semja tónlist og taka upp.
Sveinn Rúnar á þrjú lög í Söngvakeppni Sjónvarpsins. Hann er nú í Úkraínu að semja tónlist og taka upp.
„Ég kom hingað fyrst 2005, rétt eftir appelsínugulu byltinguna," segir tónskáldið Sveinn Rúnar Sigurðsson.

Hann er staddur í Úkraínu, nánar tiltekið í Kænugarði, að taka upp og semja tónlist. Sveinn Rúnar hefur aðsetur í hljóðverinu Coffein sem staðsett er í hjarta borgarinnar, en eiginkona tónskáldsins, María, er frá Úkraínu.

„Við búum hins vegar í Ungverjalandi." Sveinn lætur afar vel af Úkraínu, segir fólkið þar gott. „Við höfum komið hingað oft og hérna er mikil menning."

Sveinn Rúnar er mikill huldumaður í Eurovision þrátt fyrir að hafa unnið söngvakeppnina hér heima í tvígang, fyrst með Heaven sem Jónsi söng og svo Valentine Lost með Eiríki Haukssyni. Hann á þrjú lög í söngvakeppninni í ár og hefur fengið þau Rósu Birgittu Ísfeld, Magna Ásgeirsson og Írisi Hólm til að flytja þau fyrir sig.

„Það kemur mér stöðugt á óvart hvað lögin mín komast alltaf í gegn, þetta er í annað skiptið sem ég kem þremur lögum að og lögin í ár eru mjög ólík. Ég sem tónlist fyrir ólíka listamenn og finnst gaman að spreyta mig á ólíkum stílum og stemningu," segir Sveinn, sem lærði bæði á kirkjuorgel og píanó í Tónskóla Þjóðkirkjunnar. - fgg






Fleiri fréttir

Sjá meira


×


Tarot dagsins

Dragðu spil og sjáðu hvaða spádóm það geymir.