Saumaði í Svíþjóð

Söngkonan Britney Spears virðist vera farin að læra að sauma föt. Nýlega birti hún mynd af sér á Twitter þar sem hún skrifaði: „Í saumakennslu í Svíþjóð hjá búningadeildinni.“ Hún hefur verið á tónleikaferð um Norðurlönd að undanförnu. Nýjasta smáskífulag Britneyjar, Criminal, kom út fyrir skömmu. Myndbandið við lagið var tekið upp í London á meðan hún var í kynningarferðalagi um Bretland í síðasta mánuði. Söngkonan byrjar tónleikaferð sína um Bretland og Írland 24. október þar sem hún kynnir sjöundu hljóðversplötu sína Femme Fatale.