Lara Stone í miðbæ Reykjavíkur

Ofurfyrirsæta í miðbænumOfurfyrirsætan Lara Stone spókaði sig í miðbæ Reykjavíkur í gær og skoðaði sig meðal annars um í versluninni Rokk og rósir á Laugaveginum. Vakti nærvera hennar mikla athygli og höfðu einhverjir búðargestir á orði að hún væri fallegri í eigin persónu en á prenti og á tískupöllunum. Hin þýska Stone er talin ein sú áhrifamesta í bransanum í dag og fræg fyrir frekjuskarðið sitt.

Ekki er vitað hvað dregur ofurfyrirsætuna hingað til lands en líklegt þykir að hún láti ekki tónlistarhátíðina Icelandic Airwaves framhjá sér fara.

- þeb, - áp