Hrifin af Cooper

Kirstie Alley mun vera mjög heilluð af leikaranum Bradley Cooper og á að hafa beðið sameiginlega vini hennar og Cooper um að koma þeim saman.

Samkvæmt heimildarmönnum er Alley viss um að hún og Cooper eigi eftir að ná vel saman og hefur beðið vini sína um að skipuleggja stefnumót. „Bradley er að hefja tökur á nýrri kvikmynd og hefur því hvorki tíma né áhuga á stefnumóti með Kirstie. Þess utan vill Bradley kynnast konu sem hann getur fest ráð sitt með og stofnað til fjölskyldu,“ var haft eftir innanbúðarmanni.

Nokkur aldursmunur er á Cooper og Alley, hann er þrjátíu og sex ára en hún er sextug.