Stimpluð vegna aldurs

Jennifer Aniston er undrandi á því hversu mikið fólk veltir sér upp úr aldri hennar. Leikkonan hélt upp á 42 ára afmælið sitt á veitingastað í New York í síðustu viku ásamt leikurunum Adam Sandler og Hugh Jackman.

„Skyndilega ertu stimpluð, þú breytist í einhverja tölu,“ sagði Aniston í viðtali við Rachel Ray. „Allt í einu er gefið í skyn að líf þitt sé fljótlega á enda. Það er mjög skrítið.“ Ef leiklistarferill hennar hefði ekki gengið upp hefði Aniston vilja skipuleggja veislur. „Mér finnst svo skemmtilegt að skipuleggja partí blanda saman ólíkum hópum.“