Safna fyrir kvikmyndavél handa Pétri Kristjáni

Hafin er söfnun fyrir kvikmyndatökuvél handa Pétri Kristjáni Guðmundssyni, sem nýverið slasaðist alvarlega eftir að hann datt niður kletta í Austurríku um áramótin.

Benedikt Finnbogi Þórðarson er upphafsmaður og ábyrgðarmaður söfnunarinnar sem fer fram í gegn um vefsíðu félagsins Framtak. Um er að ræða félagsskap sem Benedikt tilheyrir og einbeitir sér að ljósmyndatengdum góðgerðarmálum.

Pétur Kristján hefur verið mikill áhugamaður um kvikmyndatöku og lýsti því yfir í viðtali eftir slysið að hann ætlaði ekki að láta það stoppa sig við að sinna kvikmyndun. Þá sagði hann að sig langaði mikið í ákveðna vél.

Enn sem komið er hefur Pétur Kristján lítinn sem engan mátt í fótleggjum og um 99% líkur á að hann nái aldrei að ganga á ný.

Myndavélin sem verið er að safna fyrir heitir Canon EOS 5D Mark II og verður gefin með linsu.

Vélin verður keypt frá Sense sem er dreifingaraðili Canon neytendavara á Íslandi og dótturfélag Nýherja og þeir hafa nú þegar styrkt söfnunina mjög rausnarlega.

Smellið hér til að skoða vefsíðu Framtaks.

Til að leggja söfnuninni lið er bent á reikninginn:

Reikningsnúmer: 1161-15-200400

Kennitala: 300592-2019