Óhamingjusöm Jessica

Þrálátar sögusagnir um óléttu söngkonunnar Jessicu Simpson hafa nú náð nýjum hæðum því tímaritið Enquirer heldur því fram að söngkonan ætli sér að ala barnið upp sjálf.

Samband Simpson og íþróttamannsins Erics Johnson stendur á brauðfótum og á parið að hafa frestað brúðkaupinu sínu um óákveðinn tíma. „Þetta ætti að vera hamingjusamasti tími lífs hennar en þess í stað hefur hún aldrei verið óhamingjusamari. Hún og Eric eru ekki ánægð saman og hafa ákveðið að fresta fyrirhuguðu brúðkaupi um óákveðinn tíma.

Foreldrar hennar óttast að Jessica endi sem einstæð móðir líkt og systir hennar, Ashlee,“ var haft eftir heimildarmanni.