Þolir ekki Jennifer Lopez

Cameron Diaz og Jennifer Lopez leika saman í kvikmyndinni What to Expect When You’re Expecting. Samkvæmt sögusögnum líkar leikkonunum þó ekki við hvor aðra og andar köldu þar á milli.

„Þeim líkar svo illa hvorri við aðra að framleiðendur myndarinnar hafa lagt sig í líma við að halda þeim eins fjarri hvor annarri og hægt er. Þær dvelja ekki á sama hóteli og eru sjaldan á tökustað á sama tíma. Cameron hreinlega þolir ekki dívustælana í Jennifer,“ var haft eftir innanbúðarmanni.

„Í kvöldverðarboði sem haldið var fyrir tökuliðið skvetti Cameron í sig fjórum vínglösum til þess eins að þola samvistirnar við Lopez.“