McCartney og Shevell orðin hjón

Bítillinn Paul McCartney og Nancy Shevell eru orðin hjón. Þau giftust í dag á borgarskrifstofunni í Marylebone-hverfinu í Lundúnum, daginn sem John Lennon hefði orðið 71 árs.

Brúðurinn klæddist brúðkjól sem hannaður var af dóttur Paul, fatahönnuðinum Stellu McCartney.

Fjöldi aðdáenda og fréttaljósmyndara beið utan við skrifstofuna þegar brúðhjónin gengu út. Þau veifuðu og brostu til fólks og héldu svo til heimilis síns til að halda upp á atburðinn í góðra vina faðmi.

Þetta er í þriðja sinn sem McCartney giftist, en árið 1969 giftist hann fyrstu eiginkonu sinni, Lindu Eastman, á sama stað.