Skammast sín fyrir fatastílinn

Poppstjarnan Justin Timberlake skammast sín fyrir fötin sem hann klæddist þegar hann var meðlimur í hljómsveitinni N'Sync.

„Af hverju lét mig enginn vita hversu hræðilegur þessi fatnaður var?" segir Timberlake í samtali við W Magazine.

Timberlake klæddist til að mynda jakkafötum úr gallaefni og leðurlíkisbuxum á árunum sem hann var meðlimur í strákasveitinni. Nú hefur Timberlake snúið blaðinu við og er efstur á listum yfir best klæddu menn heimsins ásamt því að vera með sitt eigið tískumerki, William Rast.