París farin að lyfta

Partídaman París Hilton er farin að taka hrikalega á því í ræktinni og hefur auk þess tekið mataræðið í gegn eftir hvatningu frá kærastanum, Cy Waits. París, sem er 29 ára, neytir 3.500 kaloría á dag til að eiga næga orku fyrir öll átökin. „París hefur alltaf verið í megrun til að halda vextinum sínum. En síðan hún kynntist Cy er hún heltekin af líkams­rækt," segir vinur Parísar.

París lyftir nú lóðum af miklum móð, æfir bekkpressu og hleypur á ströndinni með kærastanum. Ávinningurinn er að hún þykir líta betur út en nokkru sinni fyrr en það er líka óvæntur bónus sem fylgir. „París hefur alltaf elskað skyndibita og nú getur hún leyft sér að láta undan löngunum sínum inni á milli," sagði vinkona hennar.