Lífið

James Cameron launahæstur

Framleiðandi og leikstjóri Avatar var launahæstur í Hollywood í fyrra.
Framleiðandi og leikstjóri Avatar var launahæstur í Hollywood í fyrra.
Leikstjórinn James Cameron var langlaunahæstur í Hollywood á síðasta ári með tæpa þrjátíu milljarða króna í tekjur. Ástæðan er fyrst og fremst gríðarlegar vinsældir ævintýramyndarinnar Avatar sem hann leikstýrði og framleiddi.

Í öðru sæti á listanum varð leikarinn Johnny Depp með tæplega tólf milljarða tekjur. Leikstjórinn og framleiðandinn Steven Spielberg lenti í þriðja sæti og leikstjórinn Christ­opher Nolan, sem síðast sendi frá sér spennumyndina Inception, í því fjórða. Leikarinn Leonardo DiCaprio vermdi síðan fimmta sætið. Efsta konan á listanum er Kristen Stewart úr Twilight-myndunum í þrettánda sætinu með um 3,3 milljarða króna. Kollegi hennar úr Twilight, Robert Pattinson, var með 3,2 milljarða í fjórtánda sætinu.

Hinn átján ára Taylor Lautner úr Twilight slær bæði Stewart og Pattinson við því hann þénaði tæpa fjóra milljarða á síðasta ári og endaði í níunda sætinu.





Fleiri fréttir

Sjá meira


×


Tarot dagsins

Dragðu spil og sjáðu hvaða spádóm það geymir.