Bannaði Jessicu að kaupa sér Fendi-tösku

Söngkonan Jessica Simpson skammast sín fyrir hegðun unnusta síns, ruðningskappans fyrrverandi Erics Johnson, ef marka má nýja frétt OK Magazine.

Samkvæmt heimildum blaðsins á Johnson að hafa sett sig upp á móti því að Simpson keypti sér nýja tösku frá tískurisanum Fendi. „Hann sagðist ekki skilja af hverju töskurnar voru svo dýrar og af hverju þyrfti hún að kaupa sér enn eina töskuna. Hún horfði á hann með vanþóknunarsvip og reyndi að slá þessu upp í grín, en það gaf auga leið að hún skammaðist sín mikið fyrir ummæli hans," var haft eftir sjónarvotti.

Þetta mun ekki vera í fyrsta sinn sem Johnson verður unnustu sinni til skammar því um jólin á hann að hafa drukkið sig svo fullan að hann datt fyrir utan veitingastað í Aspen. „Hann hélt drykkjunni svo áfram á öðrum veitingastað og Jessica skammaðist sín mikið fyrir hegðun hans," ljóstraði heimildarmaður upp.