Ragga stýrir umræðum í Universal Studios

„Ég var búin ad gleyma hvað það er hrikalega gaman ad krukka í áhugaverðu fólki," segir Ragnhildur Magnúsdóttir, kvikmyndagerðarmaður og fyrrverandi útvarpsmaður á Bylgjunni.

Ragnhildur stundar kvikmyndanám í New York Film Academy í Los Angeles. Þar býr hún ásamt Mikaeli Torfasyni, unnusta sínum. Hluti námsins fer fram í Universal Studios og þar fara meðal annars fram pallborðsumræður um kvikmyndir.

„Ég var beðin um ad stýra spurt og svarað með John Savage og Harold Becker í sýningarsal hjá Warner Bros," segir Ragnhildur. John hefur leikið í hátt í 170 bíómyndum og þáttum, þar á meðal Hair og Deer Hunter og Harold Becker hefur leikstýrt myndum á borð við Sea of Love med Al Pacino og Malice med Nicole Kidman. „Ég þurfti ad horfa a nokkrar bíómyndir og undirbúa mig vel og þekkja feril þeirra ítarlega."

Ragnhildur segir Becker vera viskubrunn. „Hann á mjög vandaðar myndir að baki, sagði svolítið frá sýnum leikstjórapælingum til dæmis hvernig hann vinnur með leikurum," segir hún.

„John Savage er mjög einlægur og sjarmerandi maður, var tilbúinn að ræða alla hluti. Hann talaði um þessi stóru hlutverk sýn og hvernig áhrif þau hafa haft á hann, til dæmis hlutverkið í Deer Hunter. Það verður spennandi að sjá hvaða gestir koma næst." - afb