Hamingjusöm saman

Leikarinn Ryan Phillippe hefur átt í sambandi við leikkonuna ungu Amöndu Seyfried undanfarna þrjá mánuði. Samkvæmt heimildarmönnum er parið afskaplega hamingjusamt og vill helst eyða öllum sínum stundum saman heima hjá Phillippe.

„Þau eyða miklum tíma heima hjá Ryan, elda saman og horfa á kvikmyndir. Þeim líður mjög vel saman og Ryan hefur heillað hana upp úr skónum," var haft eftir heimildarmanni.

Næsta skref í sambandinu er að kynna Seyfried fyrir börnum Phillippe sem hann á með fyrrverandi eiginkonu sinni, leikkonunni Reese Witherspoon.