Sumir ætla að halda framhjá um jólin

Það er óhætt að segja að Auðunn Blöndal hafi fengið óvænt svör frá viðmælanda sínum þegar hann hringdi nokkur símtöl fyrir þáttinn sinn FM95BLÖ á dögunum.

Auddi þóttist vera að gera nafnlausa könnun vegna jólanna með sakleysislegum spurningum á borð við: Hvað heillar þig mest við jólin? og Hvað eyðir þú miklu fyrir jólin? Undir lokin gefur hann síðan aðeins í spurningarnar og bregst fólk þá oftast ókvæða við.

Nema einn viðmælandi Audda sem segist vera flugmaður. Hann kemur heldur betur á óvart með hispurslausum svörum og undarlegu viðhorfi.

FM95BLÖ er alla virka daga milli klukkan 16 og 18 á útvarpsstöðinni FM957. Með Audda í þættinum eru nokkrir vinir hans; Björn Bragi á mánudögum, Sveppi á þriðjudögum, Hjöbbi Ká á fimmtudögum og Gillz á föstudögum.

Hægt er að hlusta á upptökuna úr þættinum hér að ofan. Á útvarpssíðu Vísis má síðan nálgast fjöldan allan af fleiri skemmtilegum upptökum úr FM95BLÖ.