Lífið

Losnaðu við gaurinn á 10 vikum

myndir/cover media
Í meðfylgjandi myndasafni rifjum við upp besta brandarabrúðkaup allra tíma í Hollywood sem var á endanum þrælskemmtilegur sjónvarpsraunveruleikaþáttur.

Kim Kardashian og Kris Humphries voru gift í heilar 10 vikur en það var í gær, 31. október, sem þau skildu á pappírum vegna óásættanlegs ágreinings.

Flettu myndasafni og lestu þig endanlega til um hvernig þetta byrjaði allt saman.

Kim Kardashian og Kris Humphries voru gift í heila 72 daga en það var 31. október sem þau skildu á pappírum vegna óásættanlegs ágreinings.
Við skulum renna stuttlega yfir það hvernig þetta byrjaði allt saman hjá þeim. Kim og Kris hittust í lok árs 2010 á körfuboltaleik. Það voru sameiginlegir vinir þeirra sem kynntu þau og viti menn flugeldasýningin hófst þegar þau horfðu í augun á hvort öðru. Þau ákváðu í kjölfarið að hittast aftur með þetta líka frábærum árangri.
Það liðu ekki margir dagar þar til þau byrjuðu að pósa saman á rauða dreglinum í desember sama ár. Það var síðan í febrúar árið 2011 að þau ákváðu að segja heiminum frá tilfinningum sínum. Kim og Kris voru formlega byrjuð saman og auðvitað allt tekið upp til að sýna í raunveruleikaþætti Kardashian fjölskyldunnar. Parið mætti í öll heitustu partýin í Los Angeles og New York og ekki má gleyma að minnast á öll NBA All-Star teitin sem toppa nánast allt í huga Kim. Stelpan var þegar farin að undirbúa sjónvarpsbrúðkaup aldrarinnar í huganum - stóra brandarann sem hún átti eftir að græða þvílíkt mikið á. Stelpan er ekki eins vitlaus og hún sýnist - ó nei.
Það getur verið erfitt fyrir tvær stjörnur að líta vel út á sjónvarpsskjánum. Kim sagði eftirfarandi í viðtali spurð út í stærðarmuninn á þeim: Það er besta tilfinning í heimi að vera með rosalega hávöxnum gaur. Mér finnst ég vera svo örugg og mjó og smágerð þegar ég er með honum.
Ástin blómstraði og þau nutu þess að eyða saman tíma í New York og Los Angeles. Hvert sem þau fóru voru kvikmyndatökumennirnir alltaf með í för - nema hvað!
Ástin spyr ekki um tímasetningar en það var í maí 2011, aðeins fimm mánuðum eftir að þau hittust að sláninn fór á skeljarnar og spurði Kim: Viltu giftast mér? - Það var auðvitað allt tekið upp fyrir raunveruleikaþáttinn hennar. Daman sagði já eftir að hann rétti henni rándýran 20,5 karata demantshring. Vá heilir fimm mánuðir... hvað eru það aftur margar helgar?
Parið lét sjá sig í Mónakó í lok maí og brosti blítt til ljósmyndaranna. Nú þegar var Kim byrjuð að skipuleggja brúðkaupið þeirra.
Það var síðan í júní mánuði að slúðursaga blossaði upp um að Kim hefði haldið framhjá manninum sem hún var nýbúin að játast. Hún var með NFL stjörnunni Bret Lockett sem viðurkenndi allt saman en Kim neitaði því og sagði framhjáhaldið vera uppspuna frá a-ö.
Mánuður til stefnu og undirbúningurinn fyrir brandarabrúðkaupið var í fullum gangi. Kim mætti í ræktina tvisvar á dag því hún ætlaði sko ekki að vera feit á brúðkaupsdaginn. Hvaða rugl er það?
Júní mánuðurinn er þéttskipaður. Nú er nánast búið að sauma brúðarkjólinn - nei það voru víst kjólar sem hún ætlaði að vera í á brúðkaupsdaginn. Svo var gestalistinn feitur - rúmlega 400 gestum var boðið. Hvaða fólk í Hollywood á fjögurhundruð góða sanna trygga vini?
Fjölmiðlafárið verður stærra og stærra. Kim og Kris eru á fullu að skipuleggja stóra daginn þeirra.
Kris á það til að vera smeykur þegar upptökurnar standa yfir fyrir raunveruleikaþáttinn en Kim hughreystir verðandi eiginmann sinn og segir honum að hætta að pæla í mannfjöldanum sem bókstaflega hangir yfir þeim í hjónaherberginu og bara alls staðar til að taka upp kossana þeirra og innilegheit. Hvernig er annars hægt að vera innnilegur með skrilljón kamerur í gangi?
Stundum veltu fjölmiðlar því fyrir sér hvort þetta samband væri kannski ekki 100% ekta? Gat það verið? Nei glætan.
Kardashian og Humphries giftust 20. ágúst fyirr framan vini, fjölskyldu og slatta af upptökuvélum. Slatta? Ja það voru sirka hundrað upptökuvélar á 'settinu' þar sem þau giftu sig. Parið fór svo til Ítalíu í brúðkaupsferð eftir veisluna þar sem boðið var upp á 4 metra háa brúðkaupstertu. Jú jú mikið rétt upptökuvélarnar fóru með þeim til Ítalíu.
Það kom víst til tals í raunveruleikaþættinum að þau hefðu jafnvel kannski viljað kynnast aðeins betur áður en þau giftu sig þar sem ekki var verið að taka upp allt sem þeim fór á milli.
Heyrðu þau ákváðu að fagna giftingunni aftur 31. ágúst með því að halda risastórt partý í New York á stórum skemmtistað. Allt tekið upp fyrir sjónvarpsþáttinn - nema hvað!
Hjónin áttu alls ekki erfitt með að kyssast innilega fyrir myndavélarnar. Bíddu er þetta innilegur koss? Ehhhh nei!
Auðvitað var ekki hætt að fylgja parinu eftir með stillt á -rec- allan sólahringinn. Kim fór reyndar strax eftir brúðkaupsferðina þeirra í enn eitt sjónvarpsverkefni með systur sinni Kourtney að taka upp raunveruleikaþáttinn þeirra sem kallast: Kourtney and Kim Take New York. Kris fékk loksins frið til að gera það sem hann elskaði - að spila körfubolta!
Það var nóg að gera hjá hjónunum. Allir vildu fá þau í stóru veislurnar og fínu A-stjörnupartýin - en það þarf að borga fyrir að fá stjörnurnar í boðin. Ó já.. og dollararnir flæddu inn á reikninginn þeirra. Ah.. þetta borgar sig þá eftir allt saman.
Jæja á þessum tímapunkti eru sögusagnir um að nýgift hjónin eru byrjuð að rífast og skammast eins og hundur og köttur allan liðlangan daginn. Kim er gjörsamlega komin með upp í kok af gaurnum. Hann sem var svo hávaxinn! 31. október og Kim fer og sækir um skilnað með myndavélagaurana á eftir sér. Partýið er búið. Brandarinn sló í gegn eða þannig. Og viti menn glæný spennandi þáttaröð framundan...
Þetta var þá bara einn stór djókur! Eigum við að hlæja eða gráta?
Jæja... hættu að hanga á netinu og lesa slúður. Gerðu eitthvað gáfulegra við tíma þinn ;)


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.