Myndband Audda fær ótrúlegar viðtökur

Það hefur væntanlega farið framhjá fæstum að Auðunn Blöndal byrjar með nýjan útvarpsþátt á FM957 í dag.

Ástæðan er sú að á miðvikudagskvöld frumsýndi hann hér á Vísi myndband við lag sem hann samdi í tilefni þáttarins, FM95BLÖ. Myndbandið fer eins og eldur í sinu um netið og var horft á það hvorki meira né minna en 70 þúsund sinnum á rétt rúmum sólahring.

Fengnir voru tveir af færustu leikstjórum landsins, þeir Samúel Bjarki Pétursson og Gunnar Páll Ólafsson, og haldið út fyrir bæjarmörkin. Afraksturinn er ekta "boy band" myndband í anda Take That og fleiri snillinga þar sem Auddi, Björn Bragi, Sveppi, Hjörvar Hafliðason og Egill Gillzenegger fara á kostum.

Þeir félagar verða Audda einmitt innan handar í þættinum, eins og kemur rækilega fram í myndbandinu.

Fyrsti þátturinn af FM95BLÖ fer í loftið nú klukkan 16 á FM957. Hægt er að hlusta á þáttinn í beinni hér á Vísi.

Við hvetjum einnig alla þá sem ekki eru búnir að skoða myndbandið að spila það hér fyrir ofan eða á sjónvarpssíðu Vísis.