Frostrósirnar frumsýna nýja myndbandið

Frostrósirnar eru byrjaðar að stilla upp í tónleikaröðina í desember og frumsýndu í gær myndband við Frostrósalag ársins, Af álfum. Þetta er afmælislag Frostrósa í tilefni af tíu ára afmæli tónleikaraðarinnar.

Friðrik Ómar og Margrét Eir syngja lagið ásamt öllum flytjendum Frostrósa árið 2011. Af álfum er eftir Karl Olgeirsson, bæði lag og texti, en Karl hefur verið útsetjari hinna geysivinsælu Frostrósa frá upphafi.

Rebekka A. Ingimundardóttir hannaði leikmynd og sá um búninga í þessu glæsilega myndbandi. Hægt er að horfa á það hér fyrir ofan og á sjónvarpssíðu Vísis.