Mæðrastyrksnefnd fær 250 bíómiða á Þór

Snædís Baldursdóttir 7 ára, afhenti, fyrir hönd Títans fjárfestingafélags, Senu og CAOZ, Ragnhildi Guðmundsdóttur framkvæmdastjóra Mæðrastyrksnefndar 250 aðgöngumiðmiða á kvikmyndina Hetjur Valhallar - Þór ásamt 250 gjafamiðum fyrir poppi og gosi.

Með þessu vildu áðurnefnd fyrirtæki stuðla að því að sem flestir sjái sér fært að sjá Hetjur Valhallar - Þór sem verður heimsfrumsýnd 14. október á 11 stöðum og í 24 bíósölum um land allt.

Kvikmyndin er fyrsta íslenska þrívíddarteiknimyndin í fullri lengd og fjallar um uppvaxtarár þrumuguðsins Þórs, en myndin er fjölskyldumynd sem höfðar til allra aldurshópa.

Heimasíða myndarinnar.