Beyonce: Ég er víst ólétt

Söngkonan Beyonce Knowles, 30 ára, blæs á háværar sögusagnir um að hún gangi ekki með barn í raunveruleikanum. Sjónvarpsviðtal við hana sem sjá má hér, var sýnt nýliðna helgi á ástralskri sjónvarpsstöð, þar sem magi hennar lítur út fyrir að vera gervi.

Ekki nóg með það heldur eru getgátur nú uppi um að staðgöngumóðir gangi með barnið.

Söngkonan sagði í fréttum á ABC sjónvarpsstöðinni spurð út í orðróminn að hún bæri sannarlega barn undir belti og að ásakanirnar væru fáránlegar og ósannar.

Í myndasafni má sjá myndir úr umræddu sjónvarpsviðtali og af Beyonce með eiginmanni sínum Jay-Z og Kanye West í verslunarleiðangri í New York.