Lífið

Myndirnar og myndböndin frá Airwaves slá í gegn

Brot af þeim snilldarmyndum sem berast frá gestum hátíðarinnar og fólkinu á bakvið Live Project.
Brot af þeim snilldarmyndum sem berast frá gestum hátíðarinnar og fólkinu á bakvið Live Project.
Svæði vefsíðunnar Live Project á Vísi hefur heldur betur slegið í gegn síðustu daga en þar er hægt að fylgjast með Iceland Airwaves í gegnum fjöldan allan af myndböndum og myndum af hátíðinni.

Slóðin er visir.is/liveproject en þangað berst úrval mynda beint af liveproject.me, þar sem nú þegar er að finna hundruðir mynda og myndbanda af bæði gestum og listamönnum á Airwaves.

Meðal þess sem hefur verið að slá í gegn er myndband af rapparanum Gísla Pálma að fara á kostum, Friðrik Dór að syngja í Hörpunni, bróðir hans Jón Jónsson að taka lagið, Blaz Roca á Gauknum, frumleg Eminem ábreiða og Agent Fresco í karaoke.

Um fimmtán manns starfa við síðuna meðan á Airwaves stendur til að fanga stemninguna á tónleikum. Mest áhersla er lögð á að taka upp efni með íslensku hljómsveitunum. Að auki eru gestir Airwaves hvattir til að setja á síðuna eigin upplifun af hátíðinni. Það verður öllu safnað saman í tímaröð í beinni útsendingu og það geta allir tekið þátt með því að deila sínu efni.

Kíkið á visir.is/liveproject og liveproject.me og verið með okkur á Iceland Airwaves!


Tengdar fréttir

Amaba Dama á Iceland Airwaves: Gleðin skein úr hverju andliti

Amaba Dama er reggísveit sem rapparinn Gnúsi Yones leiðir, en hún hefur vakið athygli undanfarið fyrir reggíútgáfu af Bjartmars-smellinum Týnda kynslóðin. Þetta er fjölmenn sveit sem er að hluta til skipuð sömu meðlimum og Ojba Rasta, a.m.k. á þessum tónleikum á Airwaves.

Vilja heimsyfirráð á netinu

Vefsíðan Live Project ætlar að gera tónlistarhátíðinni Iceland Airwaves góð skil. Framtíðarsýn stofnenda síðunnar er að gera hana þá skemmtilegustu á netinu. Það verður nóg að gerast á íslensku vefsíðunni Live Project í tengslum við tónlistarhátíðina Iceland Airwaves sem hefst í dag. Live Project er rauntíma myndbrota- og ljósmyndasíða þar sem allir geta deilt upplifun sinni í beinni útsendingu. Mennirnir á bak við hana eru Benedikt Freyr Jónsson, Hörður Kristbjörnsson og Daníel Freyr Atlason.

Ourlives á Iceland Airwaves: Flottur söngvari

Það verður seint sagt að Ourlives hafi náð upp brjálaðri stemningu í Silfurbergssalnum. Maður ímyndar sér einhvern veginn að bæði hljómsveitin og aðdáendur hennar sé vanari sveittari stemningu á öldurhúsum bæjarins.

Náttfari á Iceland Airwaves: Spikfeitt síðrokk

Síðrokksveitin Náttfari lét nokkuð til sín taka fyrir um áratug en lagðist svo í dvala. Sveitin var endurvakin fyrir nokkrum misserum og hefur nú lokið við gerð fyrstu breiðskífu sinnar sem fáanleg er á Bandcamp og kemur á geisladiski á næstu dögum.

Ojba Rasta á Iceland Airwaves: Sveit sem er að springa út

Velgengni Hjálma virðast hafa hrundið af stað íslenskri reggíbylgju. Á miðvikudagskvöldið sveif reggíandinn yfir vötnum á aðalsviði Faktorý. Ojba Rasta er búin að vera starfandi í tvö ár og er núna orðin mjög þétt og flott. Sveitin spilar reggí með áhrifum frá evrópskri þjóðlagatónlist.

Blaz Roca á Iceland Airwaves: Blaz í góðu formi

Blaz Roca mætti upp á svið grimmur á svip, til í slaginn, og byrjaði á Gaslaginu ásamt Bent og Lúlla úr XXX Rottweiler. Sviðið á Gauknum minnti á köflum á fjölfarna ferðamannamistöð þegar hver rapparinn á fætur öðrum hoppaði upp á svið og niður aftur, eða Friðrik Dór, Henrik Biering, Dabbi T og Sesar A, auk Rottweiler-tvíeykisins. Blaz Roca var vitaskuld miðpunkturinn og reyndi ítrekað að fá salinn með sér, með því að spyrja hvort þessi eða hinn væri í húsinu.

Sóley á Iceland Airwaves: Krúttlegt og kósí

Sóley steig á svið ásamt trommuleikara sínum og saman slógu þau tvö vart feilnótu. Tónlistin var hugljúf og krúttleg, líkt og Sóley sjálf sem heillaði tónleikagesti með skemmtilegu spjalli milli laga.

Dikta á Iceland Airwaves: Stemningsleysi

Þrátt fyrir að Dikta sé þekkt sem ein besta tónleikasveit landsins átti hún í mestu vandræðum með að ná upp stemningu í Norðurljósasalnum. Kannski var sveitin þreytt eftir tónleikaferð sína um Þýskaland. Ekki hjálpaði samt til að helmingur tónleikagestanna sat á miðju gólfinu nánast allan tímann á meðan hinn helmingurinn stóð allt í kring. Aðeins nokkrar hræður stóðu uppi við sviðið og langmesta lífið var í þeim.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.