Sex hetjur fá bleiku slaufuna

Bleika slaufan, árvekni- og fjáröflunarátak Krabbameinsfélags Íslands, hófst á laugardaginn og hefur félagið einsett sér að selja 50 þúsund slaufur fram til 15. október.

Að þessu sinni var valin sú leið að fá „ömmur" í Zúlúþorpum Suður-Afríku til að perla bleikar slaufur fyrir átakið en þær sjá einar fyrir fjölda barna.

Verndari Krabbameinsfélagsins, frú Vigdís Finnbogadóttir, afhenti sex hvunndagshetjum fyrstu slaufurnar við athöfn hjá Krabbameinsfélaginu á föstudag.